Anita Pendo uheruka gusezera kuri RBA nyuma y’imyaka 10 yari amaze ahakora akerekeza kuri Kiss FM yagarutse ku byo azakumbura n'uko yakiriwe aho yerekeje.
Mu mpera za Kanama 2024 ni bwo Anita Pendo yasezeye kuri
RBA bidatinze mu ntangiriro za Nzeri ahita atangira gukorera Kiss FM.
Mu kiganiro na InyaRwanda yagarutse ku bintu byihariye azakumbura aho yari amaze igihe akorera.Ati”Nzakumbura buri kimwe, urumva ahantu wabaye imyaka 10, baba barabaye umuryango wawe, nzakumbura ibihe byose nahagiriye n’abo twakoranaga.”
Ku byerekeranye niba yiyumva nk'uwazamutse mu Ntera ku kuba yaravuye kuri RBA akerecyeza kuri Kiss FM, yagize ati ”Ntabwo ndajya kugereranya ariko icyo abantu bamenya ni uko nahinduye akazi, nagiye ahandi ibindi biba ari by’umuntu ku giti cye, kubera ko ntabwo wakwicara gutyo ngo ugende, ni ibintu uba wicaye watekerejeho.”
Uko yakiriwe mu muryango mushya yinjiyemo ati”Banyakiriye
neza cyane dore ko abantu benshi nahasanze ari abantu twari dusanzwe tuziranye
mu myidagaduro urumva ntabwo byangoye cyane.”
Yagize kandi ubutumwa agenera Rusine Patrick bakorana,
uheruka kwinjira mu kindi cyiciro ashinga urugo, akanahishura ko yibarutse imfura.
Ati”Tumuhaye ikaze mu Isi y’abantu baryama gake, hari igihe uba ugiye gusinzira, akaza gukomanga ku matwi ngo umugati urihe.”
Akomeza agira ati”Ubu ngubu ni bwo ubuzima bwe busa nkaho butangiye, mvugishije ukuri azaryoherwe muri urwo rugendo ariko na none amenye ko hari byinshi azigomwa.”
KANDA HANO UKURIKIRE IKIGANIRO TWAGIRANYE NA ANITA PENDO
">
Anita Pendo yagarutse kuri RBA yakoreye imyaka 10 no kwinjira muri Kiss FM 
Yageneye ubutumwa Rusine Patrick, umubyeyi mushya
Eng
RSS 
TANGA IGITECYEREZO